Saradong Kamalayan

Nakatingala sa langit
Blanko ang mga mata
Pero kay lalim ng iniisip.
Pilit pinakikiramdaman ang sarili
Ngunit tila walang laman at walang maramdaman.

Parang kaysarap tumanga at di kumibo
Di gumalaw at parang tulala sa bawat minutong dumaraan.
Bakit nga tila nawalan ako ng buhay?
Parang tumigil ang pagikot ng aking mundo
At huminto ang pagtibok ng puso?

Minsan, nararamdaman kong may hiwalay akong pagkatao
Para bang sadya kong inilayo ang tunay kong sarili
Di ko na rin kilala minsan sino talaga ako...
Hirap intindihin at hirap maipadama ang nais kong sabihin.
Tila ako pipi sa sarili kong damdamin.

Pintig

Pinakiramdaman ko ang paligid...
Tila dagundong lang ng tibok ng mga puso natin ang aking naririnig...
Habang hawak ko ang iyong kamay.
Sabay tayong nangarap, nakatingala sa mga bituinbumuo ng mga "sana", "pano kaya" at "malay natin.."
Parang pinalalakas ang ating mga loob sa mga posibleng problemang haharapin.
Sa kalaliman ng gabi,
Pinakiramdaman natin ang mga pintig ng ating damdamin
Buong-buo ang pagsuyo at parang walang katapusang kasiyahan.
Atin nga ang gabi...walang sinuman o anumang problema ang makakasiraSa mga minutong lumipas na tayo'y magkapiling.
Atin ang mga sandaling punong puno ng pagmamahal...
Pilit kong ibinabalik sa isip ang mga pangyayari
At muli, nabubuhay sa aking puso ang bawat pintig...bawat tibok.
Kakayanin kaya ng ating damdamin ang bawat unos na darating?

Tibok

Nanabik....
Mga titig na kay lalim
at nagtatanong...

Naghahanap....
Mga pagkakataong sana'y naging totoo
pero puro kathang isip lamang

Umaasa....
Mga labi'y nagsama
mga kamay ay magkahawak....pero...

Nananaginip...
Kahit bisig ay may hawak na iba...
at iniisip na sana ikaw ang kasama

Nalilito...
Sa mga pangyayari...
sa lahat ng maaaring mangyari.

Kawangis

Kawangis ng ulan...

Bumuhos ng malakas

Sa araw na nagsimulang kayganda ng sikat ng araw.

Kawangis ng hangin

Dumampi sa aking pisngi

Tumuyo sa pawis at nag-alis sa init ng panahon.

Kawangis ng ulapNagbabago ng anyo

Lumilipas habang tumatagal.

Lahat ng mga ito ay katulad mo...

Biglang dumating....kaybilis ring naglaho.

Diwa : Writer's note

I've created this blog to have a database of all my Tagalog poems which will have no specific themes. A lot of my poems are written on organizers, at the back of my college notebooks...I felt it's a waste that I cannot share them to anyone.

The inspirations of these poems stemmed from different observations, personal experiences and some angst towards uncontrollable factors.

Please feel free to comment. :)